فهرمانی کوشتاری کاسبکارانی کورد دهرکراوه
13 Feb 2010 - رۆژهف, ههواڵ
سهرچاوهیهکی ئاگادار له ڕۆژههڵاتی کوردستان پێی راگهیاندین که کاربهدهستانی دهوڵهت له ڕۆژههڵاتی کوردستان، به فهرمی فهرمانی کوشتاری کاسبکارانی کوردیان دهرکردووه.
به پێی ئهو سهرچاوهیه له نامهیهک دا له سهر ناوی " ڕیشه کێش کردنی قاچاخ!" که نموونهیهکی بۆ پاسگای شارهکانی وهک سهقز و مهریوان چووه، ئیتلاعاتی سپای پاسداران و ئیتلاعاتی هێزهکانی ئینتیزامی به ههموو هێزهکانی ئهو دوو ئۆرگانهیان ڕاگهیاندووه که به ئازادی و له ههموو شوێنێک دا مافی تهقه کردن له کاسبکاران ههیه. زاندراوه که ئهو فهرمان نامهیه له ساڵی ڕابڕدوو دهرکراوه و ههر بۆیهش ئاماری کوشتاری کاسبکاران له سهرتاسهری سنوورهکانی ڕۆژههڵاتی کوردستان ، له ماوهی ساڵی ڕابڕدوو پهرهی ههستاندووه و ڕۆژ به ڕۆژیش زیادتر دهبێت.
له لایهکی دیکه فهرماندهی " قهرارگای سهیدولشوههدا" له شاری ئورمیه و له کۆبوونهوهیهک له گهڵ ژمارهیهک له فهرماندهکانی هێزهکانی ئینتیزامی و سپای پاسداران، بانگهشهی کردبوو که تهنیا له پارێزگای ئورمیه و له ساڵی ڕابڕدوو دا، 38 کاسبکاری کوردیان کوشتووه و 71 کاسبکاری دیکهشیان بریندار کردووه.
ڕهسوڵ مهحمودئابادی هاوکات جهختی له سهر ئهوه کردبۆوه که پێویسته به ههموو هێزهوه پڕۆسهی گۆیا قاچاخ بنهبڕ بکهن و هاوکاتیش جهختی له سهر گرینگی شێوازی شهڕ له دژی پارتیهکی کوردی له سنوورهکانی نێوان باکور و ڕۆژههڵاتی کوردستان کردبۆوه.
جێی ئاماژهیه که ساڵانه به سهدان کاسبکاری کورد، تهنیا له پێناو وهدهست هێنانی بژیوی ژیانی ڕۆژانهی خۆیان و بنهماڵهکهیان، دهدرێنه بهر گولله که له ئهنجام دا بریندار دهبن یانیش ژیانیان له دهستت دهدهن. |
بگهرێوه
Balatarin 