کاوه گیان، ئێرهنگه چهند ههفته وهسهر دهستگیری تونا له شار کرماشان، ههلۆرک ژیار و شارستانیهت، گوزهریهد. تو ئهو ئنسانه بووید که هوویچ وهخت له گرتن نهترساید و تهنانهت وهختێک گهرد یهکا باس له مهترسیهیل هاتگ و پێشبینی نهکریاێ کردییم تو، جور ههموویشه وهتید: "بێدهنگی و دهس له سهر دهس دانان تاوانێگه که نهسڵهێل دۆمایی نیهوهخشنهمان"
بهڵی وه شنهفتن قسهگهێل گهرم و هومێد وهخشد، له وهر خوهمووه وهتیام : کاوه توێهنێد سهمبوڵ ئهو شاره بوود که دهیان ساڵه دوژمنهێل خوازن ناسینهو دیمۆگرافیهگهی، ئاڵشت بکهن .
کاوه گیان، شایهت ئیسه نگران ئهوه بید که ئیمه دوسهێلد ئهو ئهندازهی تو چهوهروانی وهلیمان دیرید ، له ویر شهوهێل تهنیایی و سهختیهیل ناو زندان، شارهگهت نهوییمن.
وهلێ توام وه دڵنیایوه وه پیت بوویشم که نه تهنیا مناڵهێل ههژار شار نهفت ، بهڵکهم، گشت دوسهێلد له کرماشان تا ماکوو بێ هوویچ شهرت و مهرجێگ، خوهشیان وهلید تێد.
دوسێکت له تهێرانووه نامه ئهراد نوویسید و باس له سهرگوزهشت وهریند ئهرامان کهێد.
دوسێک له شارهگهی خوهت، ، نامه ئهراد نویساس و باس له شاکارهێلد له کرماشان کهێد.
دهیان نهفهر تلیفون ئهرا داڵگد کردنه و پرس جو ئاخرین خهوهرهێل تو بینهس.
یهکیک له غهریبیووه نامهێگ ئهڕا" قهڵهمهگه" ی دهسد نویساس و دڵ ئنسان کهواو کهێد.
کاوه گیان، پشت نهکردنه پرنسیپهیل ماف ئنسان و نوویسان ئهڕا مشتێک ئازادی، کارێگ کرد که تو " گرجی بیانی" ئاسا له ناو قورگ ئهژدههای سهردهم باس له کهلهمهی ئازادی بکهید.
له ویرم نیهچوود وهختێگ وهتید: "خوهزیا رۆژێگ بههاتا مناڵهێل کرماشان له جێ سهندن مهواد مۆخهدر، ههر کهس رویی بکردا کویهی داڵههۆ و چهپکێک گوڵ چونیر باوردا ئهڕا دۆسهگهی".
خوهزیه و ئارهزوهێل تو، فرهن وهلێ له گشتیان دیارتر، ئهوه بی که رۆژێگ باید له جێ زندان و شهلاق، شارهگهت بوود وه شار خوهشهویسی و رێز گرتن له مافهێل ئنسان.
قسهگهێل تو ئهفسانه و شاهنامه نهوویی :
بهڵکهم تونیش حهتمهن داستان له دار کیشان " گرجی بیانیهیل" ساڵ 1358 شنهفتیده.
یا شایهت شنهفتوید که ساڵ1371 له ههمان زندان که ئیسه تو له وهر کهلهمه مهحاکمه کریهید، کورێکی باڵا بهرز و موی سهر فڕ و خهنده له سهر لێو ، وه تاوان خوهشهویسی ماڵوهند و میلکانهگهی له دارکیشانهی. ئهو قارهمانێگ بی له وێنهی " احسان" تازهترین پریسرێگ کوچکردگمان. ئهو تا ئاخرین لهحزهگهێل ژیانی سروود " ئهی رهقیب" ئهڕامان خوهند.
مهگهر تو خوهت له ویرد چیهس وهختێگ وه دڵ پڕ له ژان و چهوهێل پڕ له ئهسرهو له سنه تا کرماشان کهفتیه پشت سهر ماشین ههڵگر جنازهی ئحسان و دڵد باوهڕ نهکرد که ئیه جهنازهی قارهمان شارهگهت بوود...
کاوه گیان ، تو له من قهڵهم شکیای، فرهتر ئاشنای ئی رۆژهێله تاڵه بید، وهلێ لای تو ئشق وه ئازادی و ماف ئنسان گهوراتر بی له ترس و ژان شهلاق و قهمچی دهس ئهو کهسهێله که خوهیان وه بهیداخ ههڵگر ماف مناڵهێل فلستین و ڕهش و رویتهێل ئهفریقا و ئهمریکای لاتین زانن، وهلێ له وڵات " ئارش کهمانگیر" خهوهرێک له بنهوایهیل ماف ئنسان نیه و کهلهمهی" ئنسان" لهی وڵاته جێ خوهی دایهس وه نۆنهرهێل بێ ناونیشان خوا.
تو له وڵات قهزا و قهدهر باس له ئازادی کردید، ئهوان تواستن تونیش جۆر قهڵهمهێل زاورچی له ماڵ خوهد و له دهروهچ ئوتاقهگهدوه، تماشای له دارکیشان هاوزوانهێلد بکرداید، وهلی تو بریار داید قهڵهم و کهلهمه ههراج فروش نهکهید.
کاوه گیان له ئاخرهو ویشم:
روژێگ تیهد جۆر جاران وه قهڵهمهگهت باس له گهورای ماڵوهند و خاک ئهرامان بکهید، ئهو خاکهی لای تو گهوراتره له خهم نان...
کاوه گیان، هومێدوارم رۆژێگ له زندان بایده دهیشت و جۆر جاران ههوای ئازاد بێستوین و تاقوهسان ههڵمژید و دڵ داڵگد شادهو بکهید که تاقه کوڕهگهی جارێگ تر ها تیهسووه باوش گهرم بنهماڵهگهی....
17.2.2010
سوئد
|
|
|||||||
بگهرێوه
Balatarin 